Пражыванне

Гасцініца № 2 размешчана ў адміністрацыйным цэнтры ГПУ НП «Белавежская пушча» ў аг. Камянюкі. У самым цэнтры вёскі па вуліцы Пушчанская.

Гасцінічны комплекс «Жаркаўшчына» размешчаны ў Свіслацкім раёне Гарадзенскай вобласці, знаходзіцца на тэрыторыі Нацыянальнага парку «Белавежская пушча». Комплекс «Жаркаўшчына» складаецца з корпуса № 1 (новая гасцініца), корпуса № 2 (Хата графа Тышкевіча) і корпуса № 3 (гасцявыя пакоі лясніцтва), гасцініцы «Войтаў мост», эколага-асветніцкага цэнтра.

Гасцявыя хаты: хата паляўнічага «Перароў» і хата рыбака «Лавы». Хата паляўнічага размешчана ў 25 км ад аг. Камянюкі. Дзякуючы аддаленаму размяшчэнню ад горада, тут заўсёды цішыня і спакой. Хата рыбака «Лавы» знаходзіцца побач з аднайменным возерам прыкладна ў 6 км ад цэнтральных варот ГПУ НП «Белавежская пушча».

Для пражывання адпачывальнікаў у лесапаляўнічай гаспадарцы «Выганаўская» маецца гасцініца, размешчаная на беразе Выганашчанскага возера. Напракат можна ўзяць палаткі і спальныя мяшкі. Гаспадарка аказвае паслугі, ззвязаныя з рыбалкай і паляваннем, а таксама іншыя віды паслуг для камфортнага знаходжання.

Цалкам акунуцца ў сельскае жыццё і жыццё работнікаў лесу дазваляе пражыванне ў гасцявых пакоях, абсталяваных на тэрыторыі лясніцтваў нацыянальнага парку.