Знаходзіцца ў 12 км ад цэнтральнай сядзібы нацыянальнага парку на тэрыторыі Маёнтка Беларускага Дзеда Марозу.
120 пасадачных месцаў (у асобных кабінках для невялікіх кампаній і агульнай зале).
Інтэр'ер закусачнай выкананы ў нацыянальным беларускім стылі: драўляныя сцены стыльна ўпрыгожаны творамі майстроў-разьбяроў, вокны ўмела распісаны «снежнымі» ўзорамі, печы, у якіх рыхтуюцца шматлікія стравы закусачнай, утульна саграваюць наведвальнікаў.
Гасціннасць і ветлівасць – нацыянальныя рысы беларусаў. Ад страў, якія прапануюцца ў закусачнай, прыходзяць ў захапленне нават самыя заўзятыя гурманы: духмяны грыбны суп, юха «Рыбацкая», дзічына тушаная з гароднінай, каўбаскі па-хатняму, дранікі з грыбамі, фірмовыя пушчанскія бліны з травяной гарбатай і шмат іншага. З моцных напояў падаецца напой пушчанскі арыгінальны, прыгатаваны мясцовымі ўмельцамі па старадаўніх рэцэптах.
Закусачная аказвае паслугі па арганізацыі харчавання індывідуальным наведвальнікам Маёнтка Дзеда Марозу і арганізаваным групам. Па папярэдніх заяўках магчыма арганізацыя карпаратываў, банкетаў, сямейных святаў.
Гандлёвыя шэрагі Маёнтка Дзеда Марозу
Пад крытым навесам, абароненым ад ветра, адначасова могуць размясціцца каля 100 чалавек. 5 павільёнаў дазваляюць размясціць яшчэ каля 10-15 чалавек у кожным. Акрамя таго, маюцца 4 альтанкі (ёмістасцю 6-8 чалавек), а таксама шматлікія сталы і лаўкі пад адкрытым небам.
