Запаведная дуброва

Ўсім, каму падабаецца падарожнічаць, адкрываць для сябе новыя куткі прыроды, праводзіць вольны час з карысцю для здароўя, хто цікавіцца падзеямі мінулага, — Белавежская пушча дорыць выдатную магчымасць незабыўнага адпачынку.
Больш падрабязна
Агульная працягласць –2.1 км

Экалагічная сцежка «Запаведная дуброва» пракладзена праз месцы вырастання дуба скальнага, занесенага ў «Чырвоную кнігу» нашай рэспублікі. Гэты від дуба распаўсюджаны, галоўным чынам, у гарах Сярэдняй Еўропы, а ў Беларусі сустракаецца толькі на тэрыторыі Белавежскай пушчы на плошчы каля 1 тыс. га. Дуб скальны мала саступае па велічыні і даўгавечнасці дубу чарэшчатаму і адрозніваецца ад яго пакрытай больш дробнымі расколінамі карой, лісцем з больш доўгім хвосцікам і клінаватай асновай, а таксама жалудамі, якія сядзяць на вельмі кароткай пладаножцы – з-за гэтага яго завуць часам сядзячаквяцістым.
Дрэвастой са значным часткай дуба скальнага адасоблены ў зону з найболей строгім рэжымам аховы. Экалагічная сцежка дазваляе пазнаёміцца не толькі з насаджэннямі гэтай рэдкай драўнянай пароды, але таксама і з іншымі фітацэнозамі лісцяных і іглічных лясоў Белавежскай пушчы, характэрнымі для іх раслінамі і жывёламі, паназіраць за працэсамі і з'явамі, якія адбываюцца ў жывой прыродзе. Працягласць экалагічнай сцежкі - каля 2,5 км.
Уздоўж сцежкі размешчаны аб'екты, звязаныя з гістарычным мінулым і засваеннем гэтага краю: месца выпальвання паташу, паляўнічыя штанды, усталяваныя ў месцы правядзення паляванняў высокапастаўленых персон, якія наведвалі пушчу, крынічкі, дзе маглі здаволіць смагу падарожнікі і жыхары лесу, а таксама цікавыя раслінныя аб'екты: каўнерыкавыя хвоі, хвоя-волат, дуб, ствол якога складаецца з трох зрослых ствалоў, і інш. .
Практычна на працягу ўсяго вегетацыйнага перыяду пад полагам дуба і граба пануе цень. Таму раслінам ніжніх ярусаў даводзіцца прыстасоўвацца да спецыфічных умоў пасялення. Некаторыя з іх квітнеюць у ранневесенні перыяд і паспяваюць даць плады перад тым, як драўняны ярус адпусціць лісце. Гэта – эфемероіды, г.зн. расліны з кароткім перыядам вегетацыі, надземная частка якіх адмірае да пачатку-сярэдзіны лета. У іншых выпрацавалася прыстасаванне да ўтварэння насення без апылення ці пры самаапыленні, вегетатыўным размнажэнні і г.д.
Да канца лета сустракаюцца розныя віды грыбоў, у тым ліку і занесеныя ў Чырвоную кнігу. На дрэвах можна заўважыць разнастайныя губы, якія часам дасягаюць велізарных памераў.
Запаведная дуброва
Запаведная дуброва
Запаведная дуброва
Запаведная дуброва
Запаведная дуброва
Запаведная дуброва
Запаведная дуброва
Запаведная дуброва
Запаведная дуброва
Запаведная дуброва
Запаведная дуброва
Запаведная дуброва

З прадстаўнікоў жывёльнага свету ў лесе можна натыкнуцца на дзікоў, аленяў, зубраў, янотаў. Поруч вадапояў абавязкова сустрэнуцца сляды іх знаходжання: адбіткі капытоў і лап, «купальні» і «часальні» дзікоў, что служаць улюбёнымі месцамі выратавання жывёл ад паразітаў: яны пазбаўляюцца ад іх разам з брудам. .
Сярод птушыных жыхароў пушчы звычайнымі з’яўляюцца розныя віды дуплагнёзднікаў: дзятлы, шэрая няясыць, попаўзні, для гнёздаў якіх старыя дрэвы з дупламі даюць надзейнае сховішча, драпежныя птушкі – каня, арол-асаед і інш.
Схема маршруту
Што паглядзець