17 мая 2018 года ў г. Мінск былі падведзены вынікі конкурсу на лепшы рэсурс беларускага сегмента сусветнага сеціва – «Інтэрнэт-прэмія «TIBO-2018»..
Афіцыйны сайт ДПУ НП “Белавежская пушча” таксама ўдзельнічаў у гэтым конкурсе ў катэгорыі «Карпаратыўныя і тэматычныя Інтэрнэт-рэсурсы». На конкурс пададзена 330 заявак ад розных устаноў з усёй краіны.
Экспертамі і членамі журы была праведзена ацэнка заявак, што паступілі, і, паводле вынікаў адбору, афіцыйны сайт ДПУ НП “Белавежская пушча” заняў першае месца і быў прызнаны лепшым Інтэрнэт-рэсурсам у 2018 годзе ў сваёй катэгорыі!
Для даведкі: Конкурс “Інтэрнэт-прэмія “TIBO” праводзіцца ў Рэспубліцы Беларусь штогод з 2003 года. Асноўнымі мэтамі конкурсу з’яўляюцца: садзейнічанне станаўленню і развіццю беларускага сектара Інтэрнэт, садзейнічанне развіццю і ўкараненню новых інфармацыйных тэхналогій і прапаганда лепшых дасягненняў беларускага сектара сеткі Інтэрнэт. З пачатку правядзення конкурсу ў ім узялі ўдзел больш за 7000 беларускіх Інтэрнэт-рэсурсаў.
