З 15 па 18 мая 2018 года каманда экспертаў кампаніі NEPCon правяла ў Нацыянальным парку «Белавежская пушча» штогадовы аўдыт па схеме сертыфікацыі FSC (Ляснога папячыцельскага савета).
Упершыню Нацыянальны парк атрымаў сертыфікат FSC у 2015 годзе. З гэтага часу Нацыянальны парк заявіў аб палітыцы прыхільнасці сістэме вядзення лясной гаспадаркі ў адпаведнасці з міжнароднымі стандартамі FSC, накіраванымі на захаванне біялагічнай разнастайнасці.
У Нацыянальным парку выконваюцца патрабаванні дзвух стандартаў FSC:
Па выніках праведзенага аўдыту, з улікам 4-х аўдытаў, праведзеных у мінулыя гады, Нацыянальнаму парку дадзена досыць высокая адзнака па выкананні стандартаў FSC. Істотных неадпаведнасцяў экспертамі не выяўлена.
Такім чынам, Нацыянальны парк па-ранейшаму з’яўляецца трымальнікам сертыфікату FSC, што пацвярджае легальную вытворчасць лесаматэрыялаў, правядзенне лесанарыхтоўчых работ не наносіць істотнай шкоды прыродзе, тут захоўваюцца правы мясцовага насельніцтва, а таксама дасягнутая пэўная згода пры вядзенні лясной гаспадаркі між трыма сферамі: эканамічнай, экалагічнай і сацыяльнай. Сертыфікат FSC дазваляе паспяхова будаваць экспартную палітыку ўстановы.